Абхазия Президенты Бадра Гунба эш сәфәре менән Башҡортостанда

Тәүҙә ул республика эшҡыуарҙары менән осрашты, Радий Хәбиров менән генерал Миңлеғәле Шайморатов һәйкәленә сәскәләр һалды. Майҙанда төбәк етәксеһе Абхазия Президентына мемориаль комплекстың концепцияһы тураһында һөйләне. 2022 йылдың 11 октябрендә Республика көнөндә асылған скульптур композиция 112-се Башҡорт кавалерия дивизияһының легендар командирына, уның билдәле атлыларына һәм Ватанды һаҡлаусыларға арналған.